تفاصيل المذبحة الجديدة للانقلاب الدموي
كنت خارج أنا وصديق ليا في مسيرة فيها ما لا يقل عن 300 آلف .. نساء على شيوخ على أطفال على رجال .. ركبت العربية وقولنا هنخرج في الأول بالعربيات وهما ورانا وهنطلع كوبري أكتوبر ونعمل مسيرة .. المهم قبل منوصل للكوبري بـ300 متر بدء ضرب الغاز بشكل كثيف جداً من عربيات الشرطة الي فجاة نزلت من كوبري اكتوبر نحيتنا .. فجأة لقينا البنات بترجع لوراء وناس منهم بتقع .. سبنا العربيات في نص الطريق ونزلنا نحاول نحجز البنات بعيد عن الضرب وبنهتف سلمية سلمية .. الداخلية مبطلش رمي قنابل لدرجة أن بدا أطفال وستات يقعوا بشكل كبير .. بدأت العربيات تاخد طريق تنقل من خلاله إلي بيقع .. سبت العربية واتجهت أنا ومجموعة من الشباب نحية عربيات الداخلية .. بنحاول نقولهم وقفوا الضرب في أطفال وبنات وقعوا .. الصدمة أنهم بداؤ يضربوا خرطوش وشباب كتير بدا يقع .. اقسم بالله كان بيني وبين الموت لحظات .. معرفش ازاي خرجت سليم .. صحبي كان في شبه غيبوبة من الغاز إلي بيضرب .. خدته وحاولت اخرج من أي شارع جانبي .. لقينا كماين بلطجية وشرطة بتضرب في الناس .. هربت لتاني مرة باعجوبة منهم .. لحد مخرجت على طريق سريع .. وكان كل همي انقذ صحبي الي بيموت جمبي في العربية .. بعد محاول ينقذ ست عجوزة أغمى عليها والشرطة مرحمتهمش بقت تضرب عليه وهو بيسحبها لوراء .. اقسم بالله الي شوفته مذبحة وابادة جماعية .. والناس إلي هناك مش هترجع .. وأنا نازل بكرة ومكملين .. لنموت لنحرر وطنا .. بيحكمنا الإرهاب والكذب والتضليل .. حسبي الله ونعم الوكيل
ليست هناك تعليقات:
إرسال تعليق